"Ngadegna Dayeuh Pajajaran"
Tah di dinya, ku andika adegkeun eta dayeuh
laju ngaranan Bogor
sabab bogor teh hartina tunggul kawung
Ari tunggul kawung
emang ge euweuh hartina
euweuh soteh ceuk nu teu ngarti
Ari sababna, ngaran mudu Bogor
sabab bogor mah dijieun suluh teu daek hurung
teu melepes tapi ngelun
haseupna teu mahi dipake muput
Tapi amun dijieun tetengger
sanggup nungkulan windu
kuat milangan mangsa
Amun kadupak
matak borok nu ngadupakna
moalgeuwat cageur tah inyana
Amun katajong?
mantak bohak nu najongna
moal geuwat waras tah cokorna
Tapi, amun dijieun kekesed?
sing nyaraho
isukan jaga pageto
bakal harudang pating kodongkang
nu ngawarah si calutak
Tah kitu!
ngaranan ku andika eta dayeuh
Dayeuh Bogor!
==== tong hilap kana sajarah sunda ====
pasundan lemah cai urang...