Biar tong pu topik banyak (masa su jadi subforum tapi cuman ada satu topik)
jadi sa tarok cerita² mop di topik baru saja ne.
Biar k zwa deng anabawang bikin mop lebe banyak lae di sini

Ini sa posting satu mop buat pembukaan.


Penjual Tuli


Ada pace satu ni, de aga² tuli tapi de jaga de pu toko sendiri. Trus ada satu orang datang, de mo beli di pace tuli pu toko.

Pembeli : "Sa mo beli roko." (deng nada pelan)

Si penjual, de diam saja.

Pembeli: "Beli rokok!" (deng nada sadiki kencang)

Si Penjual de masih diam saja, si pembeli de pu jengkel sah.

Pembeli: "Beli rokok!!! Pace, ko tuli ka? Kalo tuli, jan ko jualan!!!"

Tiba-tiba si penjual de keluar dari toko, marah-marah.

Penjual: "Sapa bilang sa tuli??! Ko jan menghina saya ne!! Mo beli minyak brapa liter?!!"

Pembeli: @$%





(tra lucu ka? )

su tra tahan lae sa pung ketawa baca ko pu mop fie

wew ... mace fuRY ... ko sudah ...
Ko bisa juga eee ... MANTAP!!

Ntar zwa sumbang MOP eee ... ...

SSiio sipppp...sebagai anak bangsa yang su lama dirantau ..akhirnya sa sengar MOP lagiii.........ThankS

ad sa punx mop nich...

ad pace wamena de ke jawa trus de pergi makan d warung baru ad mas satu tanya dia..

mas jawa : permisi...mas dari mn?
pace wamena :oh...saya dari papua
mas jawa : papuanya d kota mn?
pace wamena wamena
mas jawa :katanx org wamena pake koteka?
pace wamena : iya betul..
mas jawa:trus ambil kotekanya dmn?
pace wamena:kami klu ambil koteka tu jauh skali..naik turun gunung
mas jawa:wah..!!!jauh skali
langsung mas jawa bilang...klu pake "daun pisang"
pace wamena:ko kira ini lontong k?


nti baru sa cerita lagi..ini baru contoh saja..

we want more!!!!

Wakakakaka ... ...

zwa jadi ingat "bungkus" tuh ... ...
Dulu rame2 SMP "bungkus" ...

Mantap Pace ... lanjut lagi neh ...

ad mop nich....

PEMBERANTASAN BUTA HURUF

pas ad pemberantasan buta huruf d biak nich,baru dong bawa pa guru org jawa baru badan kurus e...untuk ajar napi2 biak dorang nich...
baru kam su tau to... org biak dong punx badan kan paling besar2.trus waktu pertama belajar langsung pa`guru bilang begini...teman2 hari kita pelajaran matematika...
pa`guru tanx..4+4 berapa..........???
trus ad yang jawab 7,9, n 8 trus
pa`guru bilang dalam hati begini..klu sa bilang 8 nti yg jawab 7 dan 9 pukul dia..karna dia takut dapat pukul langsung de bilang begini...sebenarnya 8...tapi 7 jg bisa...9 jga bisa....


ad satu lagi...tp nti sdh

k zwa kmana ajah

@afin
lagi lagi lagi....
kesian tu guru, tekanan batin dah jadi guru

Wakakaka ... ngeles banget ...

Thanks for joke ...

hahahahaha
untung dia bilang lontong
ada basar sadiki
coba kalo dia bilang lemper
huahahahaha
ko ini paleng bisa e....

ad mop nich...

orang ambon

sekarang ad acara pernikahan.trus yg kawin itu org ambon kawin dengan org ambon..
yang laki2 punx nama isak n yg cwe merlin..trus yg laki nich dong biasa panggil de nama d komplex nich bu`cak abis pace org ambon jd..
trus pas dong kawin yg datang semua org ambon di dalam geraja..
waktu dong kawin pa`pendeta tanx untuk yg cwe..hai merlin...apakah u bersedia menikah dengan isak.??trus merlin bilang z bersedia..sekarng pa`pendeta tanx buat yg laki2..hai isak..trus yg laki2 de tdk mau pendeta panggil de punx nama isak tp bu`cak trus pendeta bilang hai isak..tp isak blng bukan isak tapi bu`cak..pendeta marah langsung pendeta bilang hai isak..apakah u pernah mendengar tuhan YESUS panggil petrus dengan sebutan bu` etus!!!!

bisa aja kam pace afin ...
Malah debat soal nama ...
Kaco dah ...


@fuRy: zwa tra kemana-mana
zwa masih di Merauke ...
Tunggu panggilan kerja ... masih ngelayapan di warnet ...

TETE PU KODE TANGAN

Satu hari Tete Bintul ada tanya paca Mon deng serius. “Buah apa yang kuning-kuning panjang, kalo makan harus kupas dolo, dia pu rasa manis. Yang tau itu monyet………”
“Bah gampang saja mo…… monyet tooooo….” Tete Bintu langsung tertawa. “Berarti ko itu monyet karena ko jawab, ” kata Tete Bintul.

Paca pikir dia pu pertanyaan bae-bae, baru tau dia pu kesalahan. “ kaskado ko…. memang dasar, seeeee….”maki pace sebab su kalah deng Tete Bintul yang memang dia pu akal macam-macam. Jadi kalo mau jawab sesuatu memang harus pikir dolo.

Siapa tau yang tanya itu kaseh pancing-pancing dolo. Atau ada yang memancing di aer limbah…. Bisah bahaya sebab limbah itu, banyak yang tra suka. Apa lagi kalo limbah beracun dan bis akase rusak manusia deng linkungan. Jadi kalo maseh ada ikan hidup dalam limbah yang beracun, jangan coba-coba pancing ikan lagi. Sebab dia pu ikan su keba. Kalo coba-coba mau makan, gigi bisa habis. Dia pu daging keras tooooo…. Barang apa jadi.
Pace Mon dan Tete Bintul, itu hari ada duduk di tampa sidang. Dia pu tampa di para-para di samping rumah. Dorang bilang itu tampa sidang, sebab biasa duduk kaseh keluar di pu pendapat di situ.

Dorang juga biasa kaseh selesai masalah di situ, termasuk kasus tanah, kasus rumah tangga, masalah pembabatan hutan sagu, masalah pelecehan, maasalah kolusi, masalah RT tandingan, masalah kontingen olahraga, sepak bola, kasus saguersampeeeee… masalah penyakit kaskado. Memang banyak dia pu masalah sampe tra bisa betul semua di sini. tra cukup. Jadi begitu sudah, , para-para pu fungsi yang macam-macam. Jadi kaolo para-para itu mau jadi saksi, dan bisa bicara, amayyeeeee….

Pasti bekeng buku memoar. Mungki bisa laku macam batatas goreng, kalo dong jual perdana di pertemuan yang ada undangan semua pejabat desa dan tokoh masyarakat yang top. Apa lagi kalo langsung deng Tete bintul tanda tangan di buku. Itu modal jual buku canggih…. Tete Bintul langsung ingat soal sepak bola dan suporter.” Kira-kira, bagemana masalah penontin sepak bola di jayapura ini, ” pancing Tete Bintul.

“oooo…..bae, kitorang pu penonton sepak bola di jayapura ini sudah paling sportif. Trada yang suka ribut. Kalo kejadia yang pernah terjadi itu karena dorang sendiriyang bekeng marah penonto. Sa juga marah kalo dong kaseh begitu sa….”ungkap pace yang paling sabar nonton sepak bola. “Sa pikir juga begitu. Dia pu bukti …. Kalo maen cantik, penonton juga senang.

Dan penonton juga mau foto bersama macam pemain Roger Milla, siapa tau sa pi luar negeri, sa tinggal bawa dorang pu foto supaya sa bisa tinggal deng dorang, ” sambung Tete Bintul. Awinoooooo….. mau pi luar negeri juga o… tra tau Bahasa Inggris saja mo….” Sikat pace.

pace zwa, sa poro macam mo pica suda....
macam sa baca pace pu cerita sandiri ka?

kalamarin sa nonton denias.
sa poro saki sampeeee...
tara lucu sebetulnya, tapi sa nonton itu beking sa kangen sorong ka
hiks...

Pisang, pace! Bukan monyet!

waks, brarti Pi monyet dunk klo tau de pe jawab!!!!

hahahaha
paleng bisa bikin mop e
sa ni tra bisa bikin
jadi sa dengar sa

@ fie
sa lebe tatawa dengar ko pu replian
hihihihih..........

@fie ... @LV ... ...
Busyet dah ... sakit dah perut ...


BURUNG YANG DINGIN

Bicara soal ‘burung’ ada dua macam dia pu pengertian. Tra tau kenapa bisa begitu dan siapa yang dolo bekeng kaco dia pu pengertian. Pengertian pertama, burung itu binatang yang ada sayap dan bisa terbang. Tapi ada juga pake nama burung tapi tra bisa terbang, macam kasuari tapi maseh maso dalam jenis burung. Pengertian ke dua, burung itu nama samaran dari satu barang yang bukan binatang, tra bisa terbang, biasa dapa kurung terus, tapi kadang-kadang lebeh bahaya dari burung yang bisa terbang.

Yang jelas burung itu binatang yang menarik manusia. Mungkin buat piarakarena dia pu suara, atau dia pu bulu, atau bisa juga karena dia pu hoki kata dorang. Dan ada juga karena memang bisa menghasilkan wang macam burung walet yang dia pu sarang saja sampe juta dia pu harga.

Pace mon jaga ada piara burung. Ada macam-macam dia pu burung. Tapi ini burung asli o…… pace mon pu tetangga yang juga piara burung lebeh banyak lagi. Tapi ada satu dia pu burung yang paling dong senang dan siang malam cuma urus itu binatang. Pagi-pagi tetangga su mulai bacakar deng itu burung. Kaseh mandi, kaseh minum susu, jemur di panas matahari dan bicara deng itu burung. Selesai itu dong kaseh nae di tiang bambu dan tarik deng tali macam kaseh nae bendera saja. Nanti sore dong kase turun lagi dan maen-maen deng itu burung dan ajar bicara.

Tetangga yang biasa cuma pake sarung ini paling senang siul-siul deng dia pu burung. Sambil siul tetangga ini biasa gulung-gulung sarung yang suka turun. Biasa ulang-ulang dan tra sadar kalo dia pu sarung tambah nae dan sisa sedikit.

Yang celaka tetangga ini kalo pagi cuma pake sarung saja dan trada pake celana kolor, sebab persiapan mau pi mandi. Yang lebih celaka lagi, tetangga biasa beraksi di depan rumah yang orang ada lewat. “Putih….. putih…. Kurrrrr…….” kata tetangga sambil kaseh bunyi dia pu tangan. Tapi dia pu tangan sebelah juga asik gulung nae dia pu sarung. Pas begitu, pace Mon ada lewat dan lia itu pemandangan yang bekeng kaget. Tetengga pu burung satu su mulae dapat liat dari balik sarung. Tapi paca tra berani tegur deng langsung. “Booooo….. burung itu. Apa tra rasa dingin-dingin kaaaa……” sindir pace Mon. “trada …. Biar sa kase mandi, sa pu burung ini juga tra dingin moooo….” Jawab tetangga deng tra sadar. “kalo kena angin….?” Tanya pace Mon lagi. “apa lagi kalo cuma angin. Tra goyang……” dan tetangga ini gulung lagi dia pu sarung sebab su taturun lagi.

Tiba-tiba tetangga pu maitua ada muncul dan kaget tra bae liat itu pemandangan yang bekeng orang lain bisa tutup mata. “paitua, burung itu….., ” teriak dia pu maitua deng tra sadat. “ko tolong pegang dolo, sa mau pi mandi ……” balas tetangga deng tra sadar. “sa pu maksud itu……” tunjuk maitua. Tetangga langsung lia ke bawah. Tapi begitu lia ke bawah, tetangga kaget tra bae sebab dia pu barang su prei. Trada yang tutup lagi. “kanapa ko tra bilang dari tadi kaaaa….” Kata tetangga deng cepat dan kaseh turun dia pu sarung. “sa su kaseh kode, tapi ko bilang tra rasa dingin, moooo…..” kata pace. “kaseh kode itu yang jelas…..” “yang dia pu nama kode itu, memang tra boleh jelas….. dari itu jangan cuma pikir burung saja tapi lupa burung yang satu……” tambah pace itu lalu jalan deng senyum-senyum. ... ... ...

pace kira burung yg bisa brnyanyi...padahal burung yg tdk brnyanyi...hanya bisa takurng saja

pace ko pun mop nich kacok jg e..........

pace kira burung yg bisa brnyanyi...padahal burung yg tdk brnyanyi...hanya bisa takurng saja

pace ko pun mop nich kacok jg e..........

klu masih ada ko crita lagi..

siip dehh...pace deng mace ka..yang selalu....alias olweys..Lan/JUt...

TERPAKSA TAHAN LUDAH


Ada yang bilang bersin itu indah. Tapi tete bintul pu pengalaman laen lagi. Tete bilang, bersin itu tra bisa bebas. Itu gara-gara tete bintul pi jalan-jalan di kota padang. Ini kota memang kota terbersih dan su beberapa kali dapa piala Adipura.

Jayapura saja baru dia pu piagam. Maseh jauh….biar jalan di mana juga tete bintul tetap bawa dia pu pinang-pinang dalam kantong plastik. Jadi biar maso hotel kantong plastik tetap ada di tangan. Termasuk waktu nae pesawat, itu tas plastik tetap di tangan. Macam mau nae kapal perintis yang pono saja.

Tete bintul mulai jalan-jalan di kota padang, lia-lia bangunan yang pu atap seragam. Runcing-runcing dan banyak dia pu ujung-ujung. Jalan deng pu rombongan begitu tete tetap dia kunya dia pu pinang.

Tiba giliran mau lepas dia pu ludah pinang pace mon langsung kaseh peringatan. Tete, ko jangan macam-macam. Berani ko buang sampah atau ludah pinang di sambarang tempatko dapa tangkap dan denda Rp, 50.000, -‘’. Adooo….susah sekali kalau begini, kitorang tra bisa bebas bagemana mau makan pinang kalo buang ludah saja dapa denda, protes tete terus kunya dia pu pinang. Tapi pace mon tra kaseh tau kalo bisa buang di tampa sampah yang dong siapkan di pinggir jalan.

Dorang jalan terus sampeeee….tete tra tahan dan buang saja di pinggir jalan. Pas buang begitu ada petugas lewat dan singgah lia tete yaang su gementar gara-gara buang itu barang sembarang tampa. Ada apa …..muntah begitu….. tegur petugas. Pace mon tra hilang akal, langsung piji tete pu testa. Sakit, ini dia ada muntah, tipu pace mon. petugas lalu deka dan lia tete pu ludah yang maseh di pinggir jalan. Aduh….bapak ini sakit. Muntah darah. Bawa ke dokter cepat, kata petugas rasa kasean. Pace Cuma pengangguk lalu panggil taksi.

Diatas taksi dorang lalu tertawa. Coba ko lia, untung ko bisa tipu dorang, kalo trada ko bisa kena denda Rp.50.000, -gara-gara buang ludah sabarang dan beken kotor jalan, kata pace mon. tapi sa pu eksen juga boleh oooo….macam saki betul. Petugas nae taksi ke tujuan, sekarang ko bayar, kata pace lalu langsung stop taksi dan turun. Tete bintul lia argo dan lia dia pu ongkos Rp 12.000, - padahal tete pu wang tinggal itu saja.

ada mop nich......de punx judul JAKET PANGARUH


sekarang ad pace satu de jual jaket pasar remu nich...baru de bilang bgini...mari bapak2..ibu2...ini jaket,jaket pangaruh,jaket ini dari korea baru prtama kali d jual di indonesia..tikam dengan jarum tidak bocor..siram dengan air tidak basah...bakar dengan api tdk terbakar...malam ini gantung besok pagi hilang..

Jaket yang aneh ...

malam gantung ... pagi dah hilang ... ...
KECURIAN tuh ...

Ada pace pendek satu... da lagi jalan2 sore critanya..
pas lewat disatu tikungan da lihat ada orang takumpul lihat sesuatu..
pace nih langsung mati tahu... da pigi merapat... tapi karna da pendek jadi da berusaha lompat2 untuk lihat.
padahal da tahu kalo orang2 itu ada lihat korban lakalantas.. karna ada pecahan kaca dan bercak2 darah..
karna mati ingin tahu jadi pace da pake muslihat..
da tancap manangis bokar2 ee..... baru da bilang.... addoooo....itu sa pun sodara...tolong minggir...adooooo...da itu satu kandung deng sa.... kam pindah dolo....
langsung orang2 minggir kase jalan...
setelah pace da lihat langsung rasa2nya da mo tancap lari saja...
karna yang tertabrak dan menjadi korban adalah ANJING KASKADO satu....

HAHAHAHAHAHAHA.....

wa inani kosaiwetero Papua.............
Freeedooomm

makanya, jan tlalu mati tahu, pace

... ...

Gileee ... anjing kaskado saja mo ...
Nangis taguling-guling ...

Jadi segar neh ...


Keren.

kalu yang maca begitu...org fakfak bilang..bodo lagi baru mo eksen

Wew ...
@talitali dari Fakfak ... ?!?!
Bener neh Bro ...

zwa mah di Merauke Bro ...
Dulu pernah 2 bulan di Kaimana ... ada riset.
Sayang ngak sempat ke Fakfak.

Orang2 Fakfak ... banyak MOP-nya ...
Di bagi dong Ipar talitali ... ...
Ditunggu loo ...

Oh iya ... salam kenal untuk loe, Ipar ...

Adu Kuat Tentara Amerika, Inggris, Arab dan Indonesia


Dalam sebuah misi perdamaian di Eropa Timur, siksaan terberat bagi para prajurit bukanlah hawa dingin, tapi menyalurkan hasrat sexual mereka setelah berbulan-bulan pisah dengan istri.

Suatu hari empat orang tentara dari Amerika, Inggris, Arab dan Indonesia secara kebetulan bertemu disebuah tempat pelacuran. Kebetulan tinggal satu pelacur yang tersisa. Keempatnya lalu bertaruh siapa yang paling lama bertahan.

Tentara Amerika yang berbadan besar dan berkulit hitam masuk dengan gagahnya dan keluar sejam kemudian.

Tentara Perancis masuk kedalam dengan senyum mengejek dan keluar dua jam kemudian.

Tentara Arab masuk kedalam, satu jam, dua jam, tiga jam, ... baru dia keluar dengan membusungkan dada, seolah dialah si pemenang.

Tentara Indonesia masuk dan berkata pada si pelacur, bolehkah saya mematikan lampu madame, karena tradisi kami kalau begituan lampu harus dimatikan.

Lampu pun lalu dimatikan, satu jam, dua jam, tiga jam, empat jam, lima jam, enam jam, ... si pelacur terus melayani si tentara Indonesia. Akhirnya dia yang tidak kuat dan keluar dari ruangan dengan nafas terputus-putus dan nyaris pingsan kecapaian.

Didalam ruangan si tentara Indonesia menyalakan lampu sambil berkata Sersan, cepat suruh anggota pleton kita pakai baju.

perang dunia ke II

waktu itukan peran dunia ke II baru pesawat banyak yg terbang menuju amerika untuk mau bom amerika..jadi amerika dong punx komandan bilang untuk dia punx pasukan bahwa setiap pesawat yang melintas d atas wilayah kita hari d tembak jatuh.tp sebelum d tembak harus kasih tau dulu pesawat itu dari negara mn...
trus besoknya ada pesawat lewat langsung de punx anak buah bilang
anak buah=..lapor pak..ada pesawat lewat..
komandan= siapa punx??
anak buah=jepan
komandan=tembak kasih jatuh...
trus tdk lama kemudian ada pesawat lagi..
anak buah=lapor pak...ad pesawat lewat..
komandan=siapa punx???
anak buah= rusia punx
komandan=tembak kasih jatuh..
kaget begini ad pesawat lewat lagi baru anak buah bilang..
anak buah=lapor ..ad pesawat lewat
komandan=dari negara mn??
anak buah=indonesia..... komandan
komandan=jangan di tembak
anak buah=kenapa komandan??
komandan=karna tdk d tembak juga nnti jatuh sendiri.

[u]perang dunia ke II[/u]

waktu itukan peran dunia ke II baru pesawat banyak yg terbang menuju amerika untuk mau bom amerika..jadi amerika dong punx komandan bilang untuk dia punx pasukan bahwa setiap pesawat yang melintas d atas wilayah kita hari d tembak jatuh.tp sebelum d tembak harus kasih tau dulu pesawat itu dari negara mn...
trus besoknya ada pesawat lewat langsung de punx anak buah bilang
anak buah=..lapor pak..ada pesawat lewat..
komandan= siapa punx??
anak buah=jepang
komandan=tembak kasih jatuh...
trus tdk lama kemudian ada pesawat lagi..
anak buah=lapor pak...ad pesawat lewat..
komandan=siapa punx???
anak buah= rusia punx
komandan=tembak kasih jatuh..
kaget begini ad pesawat lewat lagi baru anak buah bilang..
anak buah=lapor ..ad pesawat lewat
komandan=dari negara mn??
anak buah=indonesia..... komandan
komandan=jangan di tembak
anak buah=kenapa komandan??
komandan=karna tdk d tembak juga nnti jatuh sendiri.

Wakakakaka ... ... ...

Busyet dah si komandan ...
Tau banget tuh ...

Wew, k zwa napa ko tra pake logat papua ka?
Tapi ko pu MOP gaya BF sekaleee

wew, wktu perang dunia II su ada Adam Air dkk ka?

@fuRy ... iya mace ...
Soalnya yang masuk thread ini juga bukan Orang Papua juga ...



MIE RASA PAPEDA

Tete bintul marah-marah waktu makan siang di satu warung di pinggir jalan. Di itu warung dorang Cuma jual mie saja. Tapi dia punya mie ada macam-macam. Ada mie ayam, mie bakso, mie pangsit, mie goreng, mie rasa sapi, mie rasa rusa, mie rasa papeda.

Tete marah waktu dia pu pesanan su antar di meja. Tete tra senang deng dia pu mie. Ini mie apa kaaaa. Kenapa ko pu mie ini. Macam cacing saja, bentak tete bintul sambil angkat mie yang macam kurus-kurus.

Pace maaf mie yang sama besar deng ular, su trada, jawab pace deng tenang. Pace mon yang ada dudu di bangku sebelah tertawa dengar pelayan tadi. Baru ko rasa terlalu cerewet kalo lia makanan.

Coba rasa-rasa dulu kaa, kata pace mon sendiri. Selesai makan dorang dua keluar mau pulang. Ternyata tete bintul ada bawa mobil. Bah, ko pu mobil ini kenapa, ko pu cat dua macam, kata pace mon sambil periksa tete pu mobil. Model canggih tooo trada yang blok, jawab tete sambil buka mobil pu pintu.

Tapi sa tra mengerti kanapa yang sebelah kiri dia pu cat warna merah dan yang kanan warna biru. Booo itu supaya kalo sa melanggar yang periksa sa bingung. saksi pasti baku ribut. Sebab ada yang bilang sa pu mobil warna biru dan yang laen bilang merah, terangkan tete bintul. kelakuan itu, kata pace mon sambil nae di mobil begitu sudah biasa tete pu kelakuan yang tra laku keluar. Dorang dua jalan trus sampe di hamadi tapi tra bisa jalan deng lancar sebab dorang lagi kerja gale-gale lobang. Ini mau bekeng apa kaa sampe gale got dalam begini, tanya tete bintul.

Mau tanam pipa to itu sana dia pu pipa banyak sekali, jawab pace mon. oo di bagean sana dekat jembatan juga ada gale-gale tanah. Tapi sa lia dong ada pasang-pasang batu. Itu dorang beken bae trotoar. Itu supaya kitorang yang jalankaki bisa jalan deng bae dan aman. Kalo begitu memang bae juga. Tapi apa nanti trada yang gale-gale lagi kaa. Ko pu maksud apa? Tanya pace mon. sa biasa lia. Ini kalo tra salah dong baru kaseh bae jalan, tra lama ada yang gale jalan lagi jadi itu jalan tra pernah bae, ungkap tete bintul. Memang biasa begitu. Seharusnya dong koordinasi dolo kaaa sebab kalo dong baku ganti kaseh lobang jalan kapan kitorang bisa lia. Jadi itu jalan tra pernah bae, ungkap tete bintul.

Memang biasa begitu, seharusnya dong koordinasi dolo kaa sebab kalo dong baku ganti kaseh lobang jalan kapan kitorang bisa lia jayapura ini bersih dan indah. Kitorang Cuma bisa lia pasir-pasir yang tumpuk, jalan-jalan yang lobang mungkin dong kira kitorang ini tra tau keindahan kaaa, kata tete bintul lalu potong jalan ke sebelah

kan biar dapa proyek perbaikan jalan terus, tete

Curi Mangga

Obed dapa suruh dari dia pu kaka ambil mangga di pak RT pu rumah. Kebetulan, pak RT lagi trada jadi, Obed ko cepat-cepat naik pohon mangga itu.

Waktu baru mau petik mangga, tiba-tiba pak RT su muncul dibawah pohon pegang kayu rotan.

Pak RT: “Heh, anak kecil ko turunnnn…….!!!” Obed gugup, langsung turun dari pohon.

Sampe di bawah, pak RT tanya: “Ko naik sa pu pohon mangga mo bikin apa???”

Karena takut dapat pukul, Obed tipu pak RT.
Obed jawab: “Sa mo ambil layang-layang moo!”
Pak RT suara makin besar: “Mo ambil layang-layang buat apa??? Heh!!!”

Obed kaget skali. Karena terlalu gugup campur takut, Obed jawab: “Mo..mo am..am bil layang-layang untuk bikin rujak omm..”

Pak RT: “Oh ketahuan, berarti ko mo curi sa pu Mangga too!!”
Plakk!! Obed dapa hajar.

Obet menyimpan sudah moo ..... ...

makanya klo mo jadi pancuri tu jan grogi.
masa layangan buat bein rujak ni...

Sa sumbang ee,...

Ceritanya waktu zaman pemerintahan Presiden Gus Dur dan Wapres Megawati.
Di sekolah SD Inpres, anak2 kelas 1 sedang diberi pelajaran oleh Ibu Guru

Ibu Guru : Anana...Siapa Presiden kita sekarang ???
Anana : Ibu Mega, buu,....

Ibu Guru : *heran*, Siapa anak anak ???
Anana : *tambah lantang* Ibu Megawatiiiiii, buuuuu,...

Ibu Guru : *sambil tunjuk ke Foto Gus Dur*, lalu kalau yang ini, siapa anak-anak ???
Anana : *jawab dgn kompak* Itu dong pu Boss, buuuu,....


wew, garing sa pu mob kaapa ee,..
btw, kalo kamong ada punya cerita 'Tete Bintul' nya Cenderawasih Post,.... posting di sini dolo kaaah

...

Ngasal aja tuh anak2 ... ...

Sibuk Main Kelereng


Obet nih dia lagi asik main kelereng deng dia pu teman. Tiba-tiba dia pu bapa panggil dia.
Pace: “Obedddd!!!...”
Seperti biasa, Obed pura-pura tra dengar.

Pace: “Obedd, ko pu telinga kah tidak??“ Obet serius main kelereng trus.

Pace pu nada mulai tinggi: ” Yooo.... main kelereng trus, sebentar ko mo makan kelereng?”. Obed santai saja, sibuk kutik kelereng kesana-kemari.

Pace teriak lagi: “Mari sini dulu Obed, ko tolong ke kios beli garam, mama mo masak sayur nih..”. Obed tetap cuek saja.

Pace: “Obed mari sini sudahh… ke kios dulu, nanti bapa kasi ko uang limaratus”. Obed balik teriak ke dia pu bapa: “Bapa ko sudah yang pergi ke kios, nanti sa kasi bapa uang seribu..”

Pace ko emosi dan kejar Obet deng kayu bakar.

Haaaah ...
... ...

dasar ana kurang ajar se

pace dalmat

ad pace satu org indonesia nich...de ad di lantai 26,trus tiba2 ad yg berteriak...

"dalmat...!dalmat...!ko punx perempuan dapa tabrak dari mobil!!!

pace kaget lansung pace lompat dari lante 26 ..

saat de lompat turun sampe d lamte 15 de baru sadar klu di de tarada anak perempuan..

trus..pas de sampe d lante 5..de baru sadar klu de blom kawin,apalagi punx anak perempuan

saat de sampe d tanah de baru ingat klu de punx nama bukan dalmat..

bodok sampeeeeeee...
sumpa sa cekikikan sampe mo mati...

pace afin, memang ko suda...

lucu pace.

Pace pu bodo saja ... tralaku sampe ... ... ...

Pace fly ka pa ...
Sampe tulalit begitu ...

Terlambat


Karena sering terlambat masuk kantor, Obed pu boss su tra tahan deng Obed pu klakuan.

Suatu hari, Obed terlambat masuk kantor lagi, Obed pu Bos langsung panggil dia.
Bos: “Obed, ko nih masih niat kerja kah tidak?”
Obed: “Masih niat pak,”
Bos: “Trus, apa ko tra punya cara supaya tidak terlambat masuk kantor lagi?”
Obed: “Sebenarnya sa su punya cara, tapi blom tentu bapak setuju,”
Bos: “Cara bagemana yang ko maksud?”
Obed:”Begini pak! Mulai besok, jam kantor dimulai setelah sa datang, dengan begitu sa tra akan terlambat lagi tooo!!”
Bos: “Mending ko cuci ko pu otak sana.. sekali lagi ko terlambat, ko dipecat!”

Obed langsung kram sudah mo!

... ...

hahahaha......(carita yang burung ini e.....)

kanapa dari awal ko carita burung ini sa pu pikiran su kasa trus e

ternyata batulll toooo

burung yang hanya bisa takurung sa

hahahahaha

ayyo obed e...

ko kira ini ko pu bapa pu kantor ka....